"Zamin" xalqaro jamoat fondi va Birlashgan Millatlar Tashkilotining Bolalar jamg'armasi (UNICEF) o‘zaro anglashuv memorandumini imzoladilar. Memorandum bolalarning, jumladan ijtimoiy himoyaga muhtoj bolalarning salomatligini ta'minlash, ularning rivojlanishi va himoyasi sohasidagi hamkorlikni kengaytirish va mustahkamlash maqsadida imzolandi. Birgalikda sog'liqni saqlash, ta'lim va aholini ijtimoiy muhofaza qilish, suv ta'minoti, sanitariya-gigiyena va atrof-muhitni himoya qilish sohalarida inklyuziv dasturlarni amalga oshiriladi.

2020-yilning 18-dekabr kuni "Zamin" fondi Vasiylik Kengashining raisi Ziroat Mirziyoeva "Maktab o‘quvchilari uchun koxlear implantatsiya dasturi"da ishtirok etayotgan 36 nafar bolalar, ularning ota-onalari va shifokorlar bilan uchrashdi. Ishtirokchilar jarrohlik amaliyotining natijalari va taassurotlari bilan oʼrtoqlashdi.

2020-yil 2-dekabr kuni Respublika ixtisoslashtirilgan pediatriya ilmiy-amaliy tibbiyot markazida eshitish qobiliyatining skriningini oʼtkazish sinov loyihasining taqdimoti boʼlib oʼtdi.

40 mamlakatdan 200 dan ortiq ishtirokchilar 2020-yil 19-noyabrda Jahon bolalar kuni arafasida bo'lib o'tgan veb-forumda pandemiya sharoitida bardavom, inklyuziv va sifatli ta'lim masalalarini muhokama qildilar.

BMTning ixtisoslashgan muassasalari «Zamin» xalqaro jamoat Fondining har yili 20-noyabrda nishonlanadigan Jahon bolalar kuniga bagʻishlangan veb-forum oʻtkazish tashabbusini qoʻllab-quvvatladi.